ដើម្បីការពារសុខុមាលភាព ក៏ដូចជាការពារផលប្រយោជន៍សេដ្ឋកិច្ចជូនបងប្អូនប្រជាពលរដ្ឋ អគ្គនាយកដ្ឋាន ក.ប.ប. បានអនុវត្តតួនាទី និងភារកិច្ចរបស់ខ្លួន ដោយបានចុះត្រួតពិនិត្យអនុលោមភាពនៃទំនិញដែលបានដាក់ចរាចរលើទីផ្សារនានាក្នុងព្រះរាជាណាចក្រកម្ពុជា។ ជាក់ស្ដែងគិតត្រឹមត្រីមាសទីបី ឆ្នាំ២០២១នេះ អគ្គនាយកដ្ឋាន ក.ប.ប. បានចុះត្រួតពិនិត្យទំនិញតាមបណ្ដាទីផ្សារបានចំនួន ៤២៦លើក ដោយបានរកឃើញទំនិញខូចគុណភាពចំនួន ២៨តោន និង៣៧៣គីឡូក្រាមនៅលើទីផ្សារសព្វថ្ងៃ។

បើគិតត្រឹមខែកញ្ញា ឆ្នាំ២០២១ នេះប៉ុណ្ណោះ អគ្គនាយកដ្ឋាន ក.ប.ប. បានរកឃើញ និងដកហូតទំនិញខូចគុណភាពពីទីផ្សារបានចំនួន ៨តោន និង ៨៩៥គីឡូក្រាមទៅហើយ។

គួរបញ្ជាក់ផងដែរថា ទំនិញដែលខូចគុណភាពដែលត្រូវបានរកឃើញទាំងនោះ ត្រូវបានមន្ត្រីជំនាញ នៃអគ្គនាយកដ្ឋាន ក.ប.ប. ដកហូត និងយកមកកម្ទេចចោលជៀសវាងការបន្តចែកចាយដែលជាហេតុនាំឱ្យមានគ្រោះថ្នាក់ដល់សុខភាពប្រជាពលរដ្ឋជាអ្នកប្រើប្រាស់៕